Idman.biz
Serbiyanın Novı Sad şəhərində keçirilən U-23 dünya çempionatında Azərbaycan yunan-Roma güləşi yığması iki qızıl və bir bürünc medal qazanıb ki, bu da Aleksandr Tarakanovun rəhbərlik etdiyi məşqçilər korpusu üçün şübhəsiz ki, uğur sayılır.
"İdman.Biz" Aleksandr Petroviçdən yetirmələrinin çıxışlarını şərh etməyi xahiş edib:
"Biz oğlanlardan belə nəticə gözləyirdik - və etimad göstərdiyimiz güləşçilər də bunu nümayiş etdirdilər. Ziya Babaşov ötən mövsümdə də yaxşı formada idi və indi 63 kq çəki dərəcəsində inamlı qələbə qazanaraq tam hazır olduğunu göstərdi. Elmir Əliyev (55 kq) isə cəmi 20 yaşında U-23 Avropa çempionatının qalibi olmuşdu və bu dəfə də gözləntilərimizi doğrultdu. Baxmayaraq ki, ötən il Avropa çempionatında yalnız bürünc medal qazanmışdı, biz onun bu dəfə çempion olacağına inanırdıq – və o, buna nail oldu!", - deyə Aleksandr Tarakanov bildirib.
"Bundan əlavə, bizi bir qədər Ruslan Nurullayev (72 kq) məyus etdi. O, iranlı idmançı ilə finala çıxış uğrunda görüşdə uduzdu - əks halda, üç qızılımız olacaqdı! Biz onun da "qızıl" qazanacağını gözləyirdik, lakin texniki səhv səbəbindən Ruslan finala keçə bilmədi və yalnız bürünc medalla kifayətləndi, baxmayaraq ki, daha yüksək nəticəyə layiq idi", - deyə baş məşqçi fikrini tamamlayıb.
Vüqar Vüqarlı
