Idman.biz
"Yarış istədiyim kimi keçdi".
Bunu İdman.biz-ə yunan-Roma güləşçisi Abdurrahman Hüseynli (45 kq) deyib.
O, Şimali Makedoniyanın paytaxtı Skopyedə U-17 Avropa çempionatındakı çıxışından danışıb. Güləşçi bildirib ki, qızıl medal qazandığı üçün çox sevinclidir: "Rəqiblərimə çətinlik çəkmədən qalib gələrək çempion oldum. Özümə çox inanırdım, çünki yığma ilə yaxşı hazırlıq keçmişdim. Bu qələbəmi ailəmə, valideyinlərimə həsr edirəm. Məşqçilərim Turac Hüseynliyə, Taleh Məmmədova, həmçinin başda Taleh İsrafilov olmaqla yığmanın məşqçilərinə təşəkkürümü bildirirəm. Növbəti hədəfim isə qarşıdan gələn dünya çempionatına daha yaxşı hazırlaşıb qələbə qazanmaqdır".
Qeyd edək ki, Abdurrahman Hüseynli Avropa çempionatının finalında Saba Abaşidze (Gürcüstan) ilə qarşılaşıb. Güləşçimiz 9:0 hesabı ilə qalib gələrək, qızıl medala sahib çıxıb.
Aytac Sahəd
İdman.biz
