İdman.biz
Sentyabrın 27-29-da İtaliyanın Pesaro şəhərində aerobika üzrə dünya çempionatı keçiriləcək.
İdman.biz xəbər verir ki, Azərbaycan millisi yarışda bir neçə növ proqramda çıxış edəcək 6 idmançı ilə təmsil olunacaq.
Vladimir Dolmatov - Mədinə Mustafayeva qarışıq cütlüyü həm də Dilarə Qurbanova ilə birlikdə trionun tərkibində dünya çempionatında çıxış edəcək. Dilarə Qurbanova, eyni zamanda Xədicə Quliyeva, Arzu Ağayeva və Leyla Bejanova ilə birlikdə fərdi yarışa qatılacaq.
Dünya çempionatında 37 ölkədən 350 gimnast mübarizə aparacaq. Qarışıq cütlər, triolar, qruplar və hava rəqsi komandaları da 2025-ci ildə Çeqnduda (Çin) keçiriləcək Dünya Oyunlarına vəsiqə uğrunda güclərini sınayacaqlar. Hər yarışda ilk beş yeri tutan ölkə təsnifat nəticələrinə əsasən, orada iştirak edə biləcək.
İdman.biz
