İdman.biz
"Komandanın Gimnaziadadakı çıxışından, xüsusən də idmançılarımızla digər iştirakçılar arasında yaş fərqini nəzərə alaraq, məmnunam".
Bunu İdman.biz saytına açıqlamasında aerobika üzrə Azərbaycan millisinin baş məşqçisi Marian Kolev deyib.
Komandamız iki medal qazanıb. Fərdi yarışda Məryəm Topçubaşova bürünc, qrup yarışlarında isə Məryəm Topçubaşova, Sara Əlixanlı, Fidan İbrahimova, Leyla Əhmədova və Evelina Kozlovskayadan ibarət qrup gümüş medal qazanıb.
Kolev qeyd edib ki, startdan əvvəl komandanın çıxışı ilə bağlı müəyyən narahatlıqlar olub: "Fidan İbrahimova turnirdən əvvəl ayağını zədələmişdi. Lakin o, qrupun heyətində gümüş medal qazandı. Gimnaziadada bizim növdə daha çox yaşı 17-yə çatmış idmançılar çıxış edirdilər. Bizim qızların isə hələ 15 yaşı var. Böyükl yaş qrupunda yalnız bir gimnastımız mübarizə aparacaq. Hazırkı mövsüm ərzində bu yaş kateqoriyasında ilk mövsümünü keçirən yeniyetmələri sınaqdan keçirdik. Bununla belə, qrup bir neçə beynəlxalq yarışın mükafatçısı oldu. Qızlar Bəhreyndə yaxşı çıxış etdilər və komandanın iki mükafat qazanmasına şadam".
Zəki Feyzullayev
İdman.biz
