Sport24.az
Bakıda keçirilən "TeamGym" üzrə Avropa çempionatında finalların ilk günü keçirilir. Sport24.az xəbər verir ki, bu gün Milli Gimnastika Arenasında yeniyetmələr arasında mükafatlar öz sahibini tapıb.
Qarışıq komandalar arasında keçirilən yarışın qalibi İslandiya olub. Komanda 51.600 xal toplayaraq rəqibləri üçün əlçatmaz olub.
İsveç gümüş (51.400), britaniyalı gimnastlar isə bürünc (50.800) medal qazanıblar.
Qeyd edək ki, "TeamGym" Avropa gimnastikasının populyarlaşdığı komanda yarışıdır. Ona üç alət üzərində çıxışlar daxildir: "TeamGym" xalçası, akrobatika cığırı və trampet (mini batut).
