Sport24.az
Murad Ağarzayev Bakıda idman gimnastikası üzrə Dünya kubokunda dayaqla tullanma yarışının finalında yeddinci yeri tutub. Sport24.az xəbər verir ki, azərbaycanlı gimnast çıxışına görə 12,799 xal toplayıb və Çandraşekar Udeyi (Hindistan) qabaqlaya bilib.
Nazar Çepurnı (Ukrayna) dayaqla tullanma yarışının qalibi olub. Mingqi Huang (Çin) gümüş, Yeqor Şaramkov (neytral idmançı) isə bürünc medal qazanıblar.
Digər təmsilçimiz İvan Tixonov isə turnikdə çıxış edib. 2016-cı il Olimpiadasının iştirakçısı səkkizinci yeri tutaraq hakimlərdən 9,233 xal alıb.
Bu növdə yaponiyalı Kazuki Matsumi qızıl, belçikalı Noah Kuavita gümüş, digər yaponiyalı Kenta Çiba isə bürünc medallar qazanıblar.
Qeyd edək ki, ötən gün Nikita Simonov halqalarla hərəkətlərdə qalib gələrək Azərbaycan komandasının hesabına qızıl medal yazdırıb.
