İdman.biz
Portuqaliyanın Santarem şəhərində keçiriləcək batut gimnastikası, ikili mini-batut və tamblinq üzrə "Scalabis Cup" adlı beynəlxalq yarışda iştirak edəcək millimizin heyəti bəlli olub.
İdman.biz xəbər verir ki, bunu Azərbaycan Gimnastika Federasiyasının (AGF) mətbuat xidməti açıqlayıb.
İyulun 11-13-də keçiriləcək yarışda batut gimnastikası üzrə millimizin gimnastları Əli Niftəliyev, Ammar Baxşalıyev, Ayan Şabanova, Samirə Hüseynova, Nicat Mirzəyev, Hüseyn Abbasov, İbrahim Mustafazadə, Fərhad Mustafayev, Ömər Qasımlı, Fərhad Vəliyev iştirak edəcək. Onlar səfərə məşqçilər Abdulla Qasımov və Hafiz Rzayevin rəhbərliyi altında yollanıb.
Qeyd edək ki, yarışda azərbaycanlı hakim Rövşən Qurbanov da ədaləti qoruyacaq.
İdman.biz
