İdman.biz
Bolqarıstanın Plovdiv şəhərində keçiriləcək aerobika gimnastikası üzrə "Plovdiv Cup" adlı beynəlxalq yarışda iştirak edəcək gənclərdən ibarət Azərbaycan millisinin heyəti bəlli olub.
İdman.biz xəbər verir ki, bunu Azərbaycan Gimnastika Federasiyasının (AGF) mətbuat xidməti açıqlayıb.
Məşqçi Mariyan Kolevin rəhbərliyi altında səfərə yollanan yığmamızın gimnastları Məryəm Topçubaşova, Sara Əlixanlı, Sənəm Kazımova fərdi yarışda çıxış edəcək. Fidan İbrahimova, Leyla Əhmədova, Evelina Kozlovskayadan ibarət "üçlük"də mükafatlar üçün mübarizə aparacaq. Fidan İbrahimova, Leyla Əhmədova, Evelina Kozlovskaya, Məryəm Topçubaşova və Sara Əlixanlı qrupların yarışına qatılacaq.
Qeyd edək ki, avqustun 30-dan sentyabrın 1-dək keçiriləcək yarışda Lalə Hüseynova hakim kimi iştirak edəcək.
İdman.biz
