İdman.biz
Beynəlxalq Gimnastika Federasiyası (FIG) sabah Gimaraeşdə (Portuqaliya) başlayacaq akrobatika üzrə dünya çempionatı ərəfəsində Azərbaycan komandasının şanslarını dəyərləndirib.
İdman.biz xəbər verir ki, FIG mütləq Avropa çempionu kimi mübarizə aparacaq Raziyə Seyidli - Ağasif Rəhimov qarışıq cütünü xüsusi qeyd edib.
"Seyidli və Rəhimov vaxtilə dünya çempionatında fəxri kürsüyə çıxıblar, lakin orada heç vaxt qızıl medal qazanmayıblar. Onlar qalib olmağı çox istəyirlər", - beynəlxalq federasiya dünya çempionatı ilə bağlı məqaləsində belə yazır.
Qeyd edək ki, dünya çempionatında Azərbaycanı həmçinin Milana Əliyeva - Sabir Ağayev qarışıq cütlüyü, Murad Rəfiyev - Daniel Abbasov kişi cütlüyü və Rəsul Seyidli, Riad Səfərov, Seymur Cəfərov və Abdulla Əl-Meşaihidən ibarət kişi qrupu təmsil edəcək.
İdman.biz
