top
Fərid Qayıbov: “Arzu edirəm ki, hər bir gimnast Parisdəki Oyunlarda qazandığı uğurların sevincini hiss etsin” İdman.biz
12 iyul 2024, 14:09
- +

Fərid Qayıbov: “Arzu edirəm ki, hər bir gimnast Parisdəki Oyunlarda qazandığı uğurların sevincini hiss etsin”

Avropa Gimnastikasının (EG) prezidenti Fərid Qayıbov ötən ayın əlamətdar hadisələrindən danışıb.

İdman.biz xəbər verir ki, o, bunlar barədə fikirlərini rəhbərlik etdiyi qurumun saytında ənənəvi "Prezidentin qeydləri" rubrikasında bölüşüb.

"İyun ayı gözəl keçdi. Yay tətilinə baxmayaraq, ay vacib müzakirələr və qərarlarla zəngin idi.

İyunun 6-7-də Buxarestdə keçirilən Avropa Olimpiya Komitələrinin 53-cü Baş Assambleyasında iştirak etdim.

Gündəliyin əsas mövzularından biri 2027-ci ildə keçiriləcək növbəti Avropa Oyunları idi. İstanbul ev sahibi şəhər kimi təsdiqləndi. Sabbiadoro (İtaliya) şəhərinə 2027-ci il Avropa Gənclər Olimpiya Festivalına ev sahibliyi etmək həvalə edilib.

Baş Assambleya çərçivəsində milli olimpiya komitələrinin prezidentləri və müxtəlif idman növlərini təmsil edən Avropa federasiyalarındakı həmkarlarla görüşmək imkanım oldu.

Baş Assambleya aerobika gimnastlarımızın şousu ilə müşayiət olunan qala şam yeməyi ilə başa çatıb. Yeri gəlmişkən, 2024-cü il futbol üzrə Avropa çempionatının açılış mərasimində gimnastların çıxışları da olub. Bütün bunlar sübut edir ki, gimnastika təkcə yüksək nailiyyətlər idmanı deyil, həm də idmanın, musiqinin, incəsənətin gözəl vəhdəti və innovativ təqdimat vasitəsidir".

O, həmçinin iyunun 14-15-də Avropa Gimnastikasının İcraiyyə Komitəsinin iclaslarına sədrlik etdiyini bildirib. "Bizim illik görüşlərimizdən biri ənənəvi olaraq Avropa Gimnastikanın üzvlərindən biri tərəfindən keçirilir. Bu dəfə Dublində görüşlərimiz üçün əlverişli yer təklif edən İrlandiya Gimnastikası oldu. Tədbir qarşıdan gələn Avropa çempionatının paytaxtlarının müəyyənləşməsi ilə yadda qaldı. Tədbirlərimizə tez-tez ev sahibliyi edən İtaliya, Fransa və Almaniya müvafiq olaraq 2026-cı ildə keçiriləcək "European Gym for Life Challenge" və EUROGYM, "Golden Age 2026" İdman Festivalı və 2025-ci ildə idman gimnastikası üzrə Avropa çempionatına ev sahibliyi edəcəklər. Qarışıq komandaların finalı sonuncu yarışın proqramına daxil ediləcək.

İrlandiya milli komandaları üçün yaradılmış təlim-məşq bazaları ilə tanış ola bildik. Bu ölkədə idmana məsul şəxslərlə söhbət etdik".

Qayıbov qarşıdakı yarışlardan da danışıb: "Bu həftəsonu Avropa gimnastika ictimaiyyəti Bododa (Norveç) hər iki ildən bir keçirdiyimiz "European Gym for Life Challenge" və EUROGYM yarışlarının inanılmaz ab-havasını yaşayacaq".

Qurum rəhbəri iki həftədən sonra start götürəcək Olimpiadadan da danışıb: "Parisdəki Yay Oyunlarına qatılmaq şansı qazanan olimpiya idman növlərinin bütün təmsilçiləri demək olar ki, artıq dördilliyin idman qatarının son dayanacağına çatıblar.

Arzu edirəm ki, hər bir gimnast Parisdəki Oyunlarda qazandığı uğurların sevincini hiss etsin".

İdman.biz

Qarabağ FK

Son xəbərlər

Futbol
Bu gün, 03:15

Arne Slot "Vest Hem" üzərindəki qələbədən sonra uzun məğlubiyyət seriyasının bitməsinin əhəmiyyətini vurğuladı

Futbol
Bu gün, 02:54

Rüdigerin bərpası, ailəsi, Tuhel haqqında fikirləri və "Real Madrid" arzusu

Futbol
Bu gün, 02:30

Luis Suares: Karyeram boyu daim mübarizə aparmışam

Futbol
Bu gün, 02:15

"Lion" say üstünlüyü sayəsində "Nant"ı 3:0 hesabı ilə darmadağın etdi

Futbol
Bu gün, 02:10

"Flamenqo"nun Libertadores Kubokunda qələbəsi Rio-de-Janeyroda gecə boyu davam edən bayrama səbəb olub

Futbol
Bu gün, 01:56

"Real Madrid" "Jirona" ilə səfərdə heç-heçə etdi

Futbol
Bu gün, 01:45

"Napoli" "Roma"nı məğlub edərək zirvəyə yüksəldi

Formula 1
Bu gün, 01:42

Leonardo Fornaroli "Formula-2"-nin 2025-ci il çempionu olub

Futbol
Bu gün, 01:35

"Vikinq" 34 İldən Sonra Norveç Çempionu!

Futbol
Bu gün, 01:28

Serxio Ramos başının arxasına döymə etdirdi və Avropaya qayıtmaq istəyir

Tennis
Bu gün, 01:05

Lorenzo Muzetti ikinci oğlu Leandroya qovuşdu

Futbol
Bu gün, 01:01

Ozancan Kökçü PSV matçında qollar vurulduqdan sonra meydana çıxıb

Futbol
Bu gün, 00:51

"Frayburq" "Maynts" üzərində böyük hesablı qələbə qazandı

Futbol
Bu gün, 00:47

"Qəbələ"nin baş məşqçisi Sxadadze: "Futbolçularım xarakter göstərdi və rəqibə imkan vermədik"

Futbol
Bu gün, 00:25

Ris Ceyms: "Bu gün böyük mesaj verdik"

Futbol
Bu gün, 00:07

"Espanyol" "Selta" üzərində səfərdə minimal hesablı qələbə qazandı

Futbol
Dünən, 23:59

"Levante" baş məşqçisi Xulian Kaleronu istefaya göndərdi

Futbol
Dünən, 23:57

"Qəbələ" - "Araz-Naxçıvan" matçının videoicmalı (2:1)

Futbol
Dünən, 23:35

"Atalanta" "Fiorentina" üzərində 2:0 hesablı qələbə qazandı

Futbol
Dünən, 23:27

Luk Şou "Mançester Yunayted"də 300-cü oyununu keçirdi

Futbol
Dünən, 23:14

"Beşiktaş" "Fatih Karagümrük"ü səfərdə 2:0 hesabı ilə məğlub etdi

Futbol
Dünən, 23:04

"Ayntraxt Frankfurt" - "Volfsburq" oyunu heç-heçə başa çatdı

Basketbol
Dünən, 22:58

Basketbol millimiz Bakıda Lüksemburqa məğlub oldu

Futbol
Dünən, 22:36

"Çelsi" - "Arsenal": London derbisində heç-heçə - VİDEO

Oxşar xəbərlər