Idman.biz
Hər il mayın 7-də Dünya Uşaq Atletikası Günü qeyd edilir.
İdman.biz xəbər verir ki, bu münasibətlə Dünya Atletikası, Gənclər və İdman Nazirliyi, Azərbaycan Atletika Federasiyası, Zəfər Qaçış Klubu və "Camphood" şirkətinin təşkilatçılığı ilə "KidsRunFest" adlı tədbir keçirilib.
Yarışda 8-13 yaşlı 200-dən artıq uşaq mübarizə aparıb. Dənizkənarı Bulvar ərazisində keçirilən yarışda iştirakçılar müxtəlif məsafələrə qaçışda öz güclərini sınayıblar. Qaliblər müxtəlif yaş kateqoriyalarında qızlar və oğlanlar arasında 600, 800, 1000 və 1200 metr məsafələr üzrə müəyyən olunub.
Qeyd edək ki, hər il Dünya Uşaq Atletikası Gününə həsr olunmuş bu qlobal tədbirlər atletikanın gücündən istifadə etməklə uşaqları və yeniyetmələri bacarıq və potensiallarını inkişaf etdirməyə ruhlandırmağı hədəfləyir. Azərbaycan Atletika Federasiyası da Dünya Atletikasına üzv federasiyalar arasında Uşaq Atletikası Günündə ən yüksək səviyyədə iştirak etməklə fərqlənir.
İdman.biz
