İdman.biz
Portuqaliyanın Gimarayeş şəhərində keçiriləcək aerobika üzrə dünya çempionatının təşkilat komitəsi ulduz səfirləri təqdim edib.
İdman.biz xəbər verir ki, Azərbaycan milli komandasının iştirakı ilə təşkil olunacaq yarış sentyabrın 19-22-də baş tutacaq.
Çempionatın səfirləri 2011-ci ildə ölkəsinə ilk titulu qazandıran Portuqaliya cütlüyü Sofiya Rolao və Qonzalo Roke olacaq. Qarşıdakı dünya çempionatının əsas ulduzlarından bəziləri isə Azərbaycan təmsilçiləridir. Murad Rəfiyev və Daniel Abbasov kişi duetlərin, Raziyə Seyidli və Ağasif Rəhimov qarışıq cütlüklərin yarışında mübarizə aparacaq.
Dünya çempionatında 29 ölkənin komandası iştirak edəcək. 2025-ci il Dünya Oyunlarına vəsiqələr də mundialda sahibini tapacaq. Təsnifat mərhələsində ən çox xal toplamış beş cüt və ya qrup Çenqduda (Çin) keçiriləcək multiidman tədbirinə bilet qazanacaq.
İdman.biz
