İdman.biz
Beynəlxalq Gimnastika Federasiyası yeni Olimpiya tsikli üçün bədii gimnastika üzrə yarışların təqvimini təsdiqləyib.
İdman.biz xəbər verir ki, siyahıda qarşıdakı üç ilin yarışları yer alıb.
Bu müddətdə biri Bakıda baş tutacaq üç dünya çempionatı təşkil olunacaq. Ölkəmizdəki mundial 2027-ci il sentyabrın 15-19-da baş tutacaq və Los-Anceles-2028-ə lisenziya xarakteri daşıyacaq.
Ənənəyə uyğun olaraq, paytaxtımızda dünya kubokları keçiriləcək. Bakı mərhələsi gələn il aprelin 18-20-də, 2026-cı ildə isə aprelin 17-19-da baş tutacaq. 2028-ci ildə paytaxtda dünya kuboku mayın 14-16-na planlaşdırılıb.
Dünya çempionatlarına gəlincə, Rio-de-Janeyro 2025-ci (20-24 avqust), Frankfurt 2026-cı (12-16 avqust) ilin mundialına ev sahibi olacaq.
İdman.biz
