İdman.biz
"Bakıda keçirilən Avropa kubokunda çıxışımdan razı qaldım".
İdman.biz xəbər verir ki, bunu paytaxtımızda təşkil olunan bədii gimnastika üzrə Avropa kubokunun qalibi Boryana Kaleyn deyib.
Bolqarıstanlı gimnastı Bakıda 2 qızıl medal qazanıb. Kaleyn topla və lentlə çıxışda fəxri kürsünün ən yüksk pilləsində yer alıb. O, yeni formatın maraqlı olduğunu bildirib: "Çıxışımı uğurla başa vura bildim. İlk dəfə maraqlı formatda keçirilən Avropa kubokunda qələbə qazandığım üçün çox şadam. Bu yarış Budapeştdə təşkil olunacaq Avropa çempionatı və Paris-2024 Olimpiadası öncəsi yaxşı sınaq oldu".
Kaleyn turnirin təşkilatçılığını yükksək qiymətləndirib: "Burada komandalar güclü heyətlə çıxış edirdilər. Təşkilatçılıq yüksək səviyyədə idi. Möhtəşəm zal və atmosfer, azarkelərin dəstəyi – hər şey əla təşkil olub".
Qeyd edək ki, ilk dəfə təşkil olunan Avropa kubokuna bu gün yekun vurulacaq.
İdman.biz
