Idman.biz
Beynəlxalq Konkisürmə Birliyinin (ISU) yeniyetmələr arasında fiqurlu konkisürmə üzrə Qran-pri" yarışına yekun vurulub.
İdman.biz bildirir ki, turnirin sonuncu günündə 30 ölkədən olan 35 qadın idmançı sərbəst proqram üzrə çıxış edib.
Yarışın ümumi nəticələrinə əsasən Cənubi Koreyalı idmançı Yuseonq Kim 185.99 xalla turnirin ali kürsüsündə 1-ci yerə,Yaponiyalı fiqurlu konkisürən Mayuko Oka 184.22 xalla 2-ci yerə, İsrailli idmançı Sofia Şifrin 176.95 xalla 3-cü yerə sahib olublar.
Mükafatlandırma mərasimində buz üstündə rəqs proqramı üzrə çütlüklər və sərbəst proqram üzrə çıxış edən qadın idmançılar təltif olunublar.
Qaliblərə medalları Azərbaycan Qış İdman Növləri Federasiyasının prezidenti Fuad Nağıyev və Federasiyasının Baş katibi Günel Bədəlova təqdim edib.
Qeyd edək ki, yarış Dövlət Turizm Agentliyi, Gənclər və İdman Nazirliyi, Azərbaycan Qış İdman Növləri Federasiyası və Beynəlxalq Konkisürmə Birliyinin təşkilatçılığı ilə keçirilib. Turnirdə 38 ölkədən 92 idmançı iştirak edib.
Yarışda Azərbaycanı fiqurlu konkisürmənin tək konkisürmə növündə idmançılarımız Səbinə Əliyeva, Leyli Axundova və Arina Kaluqina, buz üstündə rəqs növü üzrə isə Anna Obrayn və Dreyk Tonq təmsil ediblər.
14:48
Bakıda keçirilən yeniyetmələr arasında fiqurlu konkisürmə üzrə Qran-pri turnirində buz üstündə sərbəst rəqs proqramının finalı baş tutub.
İdman.biz xəbər verir ki, yarışda 13 ölkədən 15 cütlük mübarizə aparıb.
Fransalı Ambre Perryer Yanesini və Samuel Blanj Klaperman cütlüyü 162.21 xalla qızıl medal qazanıblar.
Zoe Byanki və Daniel Bazile (İtaliya) tandemi 149.64 xalla ikinci, Sammer Homik və Nikolas Buelou (Kanada) cütlüyü isə 142.38 xalla üçüncü yeri tutub.
