İdman.biz
"Əlbəttə ki, Paris-2024-ü izləyəcəm. Mən hazırda ehtiyatda olan gimnastlar arasında birinciyəm".
İdman.biz xəbər verir ki, bunu Azərbaycanın idman gimnastı Nikita Simonov deyib.
Rusiya mətbuatına müsahibə verən idmançı Paris-2024 Yay Olimpiya Oyunlarından kənar qalmasında hakimlərin rolundan və hələ də yarışa qatılmaq ehtimalının qalmasından danışıb, həmçinin iddialı ola biləcəyini vurğulayıb: "Amma mənim Olimpiadada iştirakım üçün kiminsə zədələnməsini heç vaxt arzulamaram. Hakimlər necə qərar veribsə, elə də olsun. Əlbəttə, onların qərarları ilə razı deyiləm. Amma ümumilikdə hamıya uğurlar arzulayıram. Hesab edirəm ki, Olimpiadaya getsəydim, orada turist kimi çıxış etməz, medala iddia edərdim. Əgər Avropa çempionatında az qala olimpiya çempionunu qabaqlayacaqdımsa, aydın məsələdir ki, Parisdə də "üçlük"də yer ala bilərdim. Buna görə də baxacam, izləyəcəm, bu, mənim işimdir. Onunla alışıb yanıram. Hesablayacam, hakim qərarlarını təhlil edəcəm. Necə çıxış edəcəkləri də maraqlıdır".
Qeyd edək ki, Olimpiadanın idman gimnastikası yarışları iyulun 27-dən avqustun 5-dək keçiriləcək.
İdman.biz
