İdman.biz
Macarıstanın paytaxtı Budapeştdə keçirilən bədii gimnastika üzrə Avropa çempionatı davam edir.
İdman.biz xəbər verir ki, yarışın ikinci günündə böyüklər arasında mübarizəyə start veriləcək.
Bu gün gimnastlar iki növdə çıxış edəcək. Azərbaycan təmsilçiləri də xalça üzərinə çıxacaq.
Zöhrə Ağamirova çoxnövçülüyün təsnifat mərhələsi çərçivəsində halqa və topla bacarığını göstərəcək. Kamilə Seyidzadə halqa, İlona Zeynalova topla çıxış edəcək.
Günün ikinci yarısında yeniyetmələrin final mərhələsi baş tutacaq. Gövhər İbrahimova və Fidan Qurbanlı gürzlər, Şəms Agahüseynova lent, İlahə Bahadırova topla hərəkəti nümayiş etdirəcək.
Qeyd edək ki, yarışın ilk günündə yeniyetmə gimnastlarımız komanda hesabında bürünc medal qazanıblar.
İdman.biz
