İdman.biz
Azərbaycan gimnastları Qazaxıstanın Almatı şəhərində keçirilmiş bədii gimnastika üzrə "Alma Cup" adlı beynəlxalq turnirdə uğurla çıxış edib.
İdman.biz xəbər verir ki, bunu Azərbaycan Gimnastika Federasiyasının mətbuat xidməti açıqlayıb.
İdmançılarımız avqustun 13-16-da keçirilən yarışı üç qızıl medalla başa vurub. Bundan başqa, təmsilçilərimiz iki nominasiyada fərqlənib.
Fidan Qurbanlı gənclərin yarışında bütün rəqibləri qabaqlayıb. O, gürzlər və lentlə hərəkətdən ibarət çoxnövçülükdə qızıla sahib çıxıb. Gimnastımız həm də "Miss Grace" nominasiyası üzrə qalib adına layiq görülüb.
Yeniyetmələrın yarışında iki gimnastımız fərqlənib. Alina Kolesnikova gürzlər və lentlə hərəkəti özündə birləşdirən çoxnövçülükdə çempion olub. Nur Sadıqova isə halqa və topla hərəkətdən ibarət çoxnövçülükdə hamını qabaqlayıb. O, həm də "Miss Grace" nominasiyası üzrə qalib adına sahib çıxıb.
İdman.biz
