İdman.biz
Yaponiyanın Yokoqama şəhərində aerobika üzrə Dünya kuboku keçiriləcək.
İdman.biz xəbər verir ki, yarışda Azərbaycan millisi də iştirak edəcək.
Komandamız üç növdə mübarizə aparacaq. Qarışıq cütlərin yarışında Mədinə Mustafayeva və Vladimir Dolmatov çıxış edəcək. Onlar Dilarə Qurbanova ilə birlikdə "üçlüy"ün də tərkibində bacarığını göstərəcəklər.
Qurbanova fərdi yarışda da qüvvəsini sınayacaq. Millimiz turnirə Mariana Kolevanın rəhbərliyi altında yollanacaq. Azərbaycan hakimi Lalə Hüseynova da Dünya kubokunun ədalət təmsilçiləri sırasında yer alacaq.
Qeyd edək ki, mayın 25-də başlayacaq yarış iki gün davam edəcək.
İdman.biz
