Idman.biz
Minifutbol millimizin Bakıda keçirilmiş dünya çempionatının qalibi olması münasibətilə bu gün konsert proqramı təşkil ediləcək.
İdman.biz xəbər verir ki, "Champions Fest" (Çempionlar şənliyi) adlanan tədbir saat 20:30-da Qoşa Qala qapısı və "Azərbaycan" kinoteatrının yaxınlığında başlayacaq.
Tanınmış müğənnilərin iştirak edəcəyi konsert proqramına giriş pulsuzdu. Tədbirdə millimizin futbolçuları da iştirak edəcəklər.
Qeyd edək ki, Elşad Quliyevin rəhbərlik etdiyi Azərbaycan millisi minifutbol üzrə dünya çempionatının final matçında Macarıstanı məğlub edib. İyunun 1-də Milli Gimnastika Arenasında gerçəkləşmiş görüş yığmamızın 4:2 hesablı qələbəsi ilə yekunlaşıb.
İdman.biz
