Idman.biz
Bakıda keçirilən minifutbol üzrə dünya çempionatına start verilib.
İdman.biz xəbər verir ki, ilk dəfə ölkəmizdə keçirilən mundial Fransa – Çad qarşılaşması ilə başlayıb.
Milli Gimnastika Arenasında keçirilən ilk oyununda Fransa minimal hesabla qalib gəlib - 1:0.
Günün ikinci qarşılaşmasında Türkiyə Macarıstanla üz-üzə gəlib. Oyun qollu bərabərliklə yekunlaşıb - 1:1. D qrupunda isə Portuqaliya Bolqarıstana 3:1 hesabı ilə qalib gəlib.
Ukrayna - İngiltərə matçında da qalib müəyyənləşib. İngilislər rəqibini 4:0 hesabı ilə məğlub edib. Slovakiya - Hindistan görüşündə 15 qol vurulub. Avropalılar quruhesablı qələbə qazanıblar.
Bu gün 4 qrupda daha 5 matç baş tutacaq. Azərbaycan yığması Bəhreynlə görüşəcək.
Bu görüşdən əvvəl çempionatın açılış mərasimi təşkil olunacaq. Tədbir tanınmış müğənnilər Aygün Kazımova və Aleyna Tilkinin iştirakı ilə baş tutacaq.
Qeyd edək ki, I turun digər 8 görüşü sabah keçiriləcək.
Dünya çempionatı
Qrup mərhələsi
I tur, 21 may
A qrupu
20:30. Azərbaycan - Bəhreyn - 1:1
Qollar: Mirmehdi Rzayev, 15 - Jasim Ali Mohamed, 25
23:00. Mavritaniya - Sloveniya
B qrupu
09:15. Fransa - Çad - 1:0
21:45. Rumıniya - Özbəkistan
C qrupu
10:30. Macarıstan - Türkiyə - 1:1
13:00. Ukrayna - İngiltərə - 0:4
D qrupu
11:45. Bolqarıstan -Portuqaliya - 1:3
14:15. Slovakiya - Hindistan - 15:0
İdman.biz
