Report.az
Azərbaycanın futzal millisinin Səudiyyə Ərəbistanın Ər-Riyad şəhərində keçiriləcək sayca VI İslam Həmrəyliyi Oyunlarında keçirəcəyi matçların təqvimi müəyyənləşib.
"Report" Futzal Federasiyasının mətbuat xidmətinə istinadən xəbər verir ki, A qrupunda yer alan komanda noyabrın 4-də Liviya, 2 gün sonra Özbəkistan, noyabrın 8-də isə Səudiyyə Ərəbistanı yığması ilə qarşılaşacaq.
Qeyd edək ki, qrupda ilk 2 yeri tutacaq komanda yarımfinala vəsiqə qazanacq. Bu mərhələnin görüşləri noyabrın 9-da baş tutacaq. Qalib və bürünc medalçının adına isə 2 gün sonra – noyabrın 11-də aydınlıq gətiriləcək.
