Sport24.az
"Araz-Naxçıvan" bu gün futzal üzrə UEFA Çempionlar Liqasının əsas mərhələsində növbəti matçına çıxacaq. Sport24.az xəbər verir ki, Naxçıvan təmsilçisi Lüksemburq çempionu "Differdanje 03" ilə üz-üzə gələcək.
"Sala Sporturilor Dunarea"da keçiriləcək görüş Bakı vaxtı ilə saat 19:00-da start götürəcək.
Qeyd edək ki, Yevgeni Kukseviçin baş məşqçisi olduğu komanda ilk oyunda turnirə ev sahibliyi edən Rumıniyanın "Yunayted Qalati" klubunu məğlub edib - 2:1. "Araz-Naxçıvan" əsas mərhələdə sonuncu matçını noyabrın 1-də Niderlandın "Tigers Roermond" komandasına qarşı keçirəcək.
