"Zirə" - "Qəbələ": Qarşılaşmanın təfərrüatları və gedişatı

Misli Premyer Liqasının 30-cu turunun ikinci oyun gününə Zirədə yekun vurulacaq. Sport24.az xəbər verir ki, qəsəbənin eyniadlı təmsilçisi "doğma divalar" arasında "Qəbələ" ilə üz-üzə gəlir.

Bu görüş ərəfəsində aktivində 46 olan "qartallar" turnir cədvəlinin 5-ci pilləsində qərarlaşıb. Avrokuboklara vəsiqə uğrunda mübarizə aparan meydan sahibləri 4-cü yerdə qərarlaşan "Neftçi"dən bir xal geri qalır. Düzdü, Rəşad Sadıqovun komandası ölkə kubokunun finalına yüksəlib və "ağ-qaralar"la müqayisədə qitəmiqyaslı turnirlərə yollanmaq şansı daha çoxdur. Ancaq meydan sahibləri işini ehtiyatlı tutmaq üçün 4-cü yeri də əldən verməməlidir.

"Qəbələ" isə təhlükəli zonada qərarlaşıb. Kaxaber Tsxadadzenin komandası 29 oyundan sonra 20 xalla 11-ci yerdədir. 10-cü pillədə yer alan və dünən "Sumqayıt"la görüşdən 3 xalla ayrılan "Kəpəz" artıq xal fərqini 4-ə çatdırıb.

Qeyd edək ki, turun digər qarşılaşmaları sabah və çərşənbə axşamı keçiriləcək.

Misli Premyer Liqası

III dövrə, XXX tur

18:30. "Zirə" - "Qəbələ" 0:0 (Birinci hissə)

Hakimlər: Elçin Məsiyev, Pərvin Talıbov, Teymur Teymurov, Əkbər Əhmədov
VAR: Rəvan Həmzəzadə
AVAR: Cəmil Quliyev
Hakim-inspektor: Ömər Paşayev
AFFA nümayəndəsi: Zümrüd Ağayeva
Zirə. İdman Kompleksinin stadionu. 

"Zirə": 97. Tiaqo Silva 32. Qismət Alıyev (k) 4. Ruan Renato 9. Davit Volkov 28. Leroy Mikels 10. Giorgi Papunaşvili 20. İssa Cibrila 93. Brahim Konate 5. Ange Mutsinzi 17. Ayron Qomis 22. Eren Aydın

Ehtiyat oyunçular: 13. Aydın Bayramov 70. Namik Ələskərov 73. Anatoli Nuriyev 21. Hacıağa Hacılı 8. İsmayıl İbrahimli 7. Rövlan Muradov 14. Elçin Əlicanov 29. Ceyhun Nuriyev 26. Stefan Aka 30. Rikardo Martins 11. Junior Martins 6. Eldar Quliyev

"Qəbələ": 93. Rza Cəfərov 28. Murad Musayev (k) 13. Nicat Əliyev 10. Şahin Şahniyarov 27. Eşqin Əhmədov 24. İsmael Akinade 33. Seydina Keyta 6. Xayme Syerra 16. İsaak Amoah 14. Domi Massumo 30. Prins Ovusu

Ehtiyat oyunçular: 1. Səlahət Ağayev 94. Həbib Hüşənov 11. Asif Məmmədov 22. Fərid İsgəndərov 74. Süleyman Damadayev 66. Nuğay Rəşidov 21. Ziya Şəkərxanov 12. İbrahim Sanqare 50. Adriel Ba Loua 3. Eduardo Kunde