Idman.biz
Azərbaycan millisinin futbolçusu Zamiq Əliyevin çıxış etdiyi "Eqnatiya" Albaniya çempionatının ikinci turunda da qələbə qazanıb.
İdman.Biz xəbər verir ki, ölkənin son çempionu səfərdə "Vora"nı 3:1 hesabı ilə üstələyib.
İlk hissə qolsuz başa çatıb. 65-ci dəqiqədə ev sahibləri Bernard Karriçanın qolu ilə irəli çıxıblar. Lakin artıq 69-cu dəqiqədə Daniel Acessa tarazlığı bərpa edib. 76-cı dəqiqədə Alessandro Albanese "Eqnatiya"nı öndə keçirib, 86-cı dəqiqədə isə Andre Yaqo yekun hesabı müəyyənləşdirib – 3:1.
Zamiq Əliyev "Eqnatiya"nın start heyətində meydana daxil olub və bütün 90 dəqiqəni oyunda keçirib.
Beləliklə, "Eqnatiya" ilk turda komanda "Tirana"nı 3:0 hesabı ilə darmadağın etmişdi. İki oyundan sonra altı xal toplayan komanda turnir cədvəlinə başçılıq edir.
