Idman.biz
UEFA Texniki Hakimlər Komitəsinin (CTA) keçmiş vitse-prezidenti Xose Mariya Neqreyraya verilən rüşvət səbəbindən "Barselona"nı Çempionlar Liqasından kənarlaşdıra bilərmiş.
İdman.Biz bildirir ki, bu barədə "El Confidental" qəzeti məlumat verib.
Mənbənin məlumatına görə, klub maliyyə fırıldaqçılığına görə 60 milyon avro cərimə oluna və "Kamp Nou" stadionuna qayıtmasının qarşısı alına bilərmiş. Qeyd olunur ki, "Barselona" prezidenti Joan Laporta UEFA ilə münasibətləri yaxşılaşdırmaq üçün Superliqa layihəsindən çəkilməyə və Avropa Klublar Assosiasiyasına qayıtmağa məcbur olub.
Xatırladaq ki, 2023-cü ildə "blauqrana" İspaniya Kral Futbol Federasiyasında (RFEF) işləyən Neqreyraya ödənişlərlə bağlı rüşvətxorluqda ittiham olunub. "Barselona" 2001-2018-ci illər arasında təxminən 8,4 milyon avro məbləğində yuxarıda qeyd olunan ödənişləri etməkdə ittiham olunurdu.
Kataloniya klubunun məlumatına görə, Neqreyra hakimliklə bağlı texniki hesabatlar tərtib etmək üçün xarici məsləhətçi kimi işə götürülüb. Keçmiş CTA vitse-prezidenti hakimlərə təsir göstərmək üçün rüşvət aldığını inkar edir.
