Idman.biz
Konfrans Liqasının dörddəbir finalının "Kristal Palas" (İngiltərə) və "Fiorentina" (İtaliya) arasında ilk oyunu başa çatıb. Oyun "Selhurst Park"da (London, İngiltərə) baş tutdu. Ev sahibi komanda 3:0 hesablı qələbəsini qeyd edib.
"Kristal Palas"ın hücumçusu Jan-Filip Mateta matçın ilk qolunu 24-cü dəqiqədə penaltidən vurub. Yarımmüdafiəçi Tayrek Mitçell 32-ci dəqiqədə ev sahibi komandanın üstünlüyünü ikiqat artırıb. 90+1-ci dəqiqədə isə İsmaila Sarr hesabı 3:0 edib.
Donetskin "Şaxtyor" klubu Niderlandın "AZ Alkmaar" klubunu eyni hesabla məğlub edib – 3:0.
"Şaxtyor"un yarımmüdafiəçisi Pedrinyo matçın ilk qolunu 72-ci dəqiqədə vurub. Alisson 81-ci dəqiqədə ev sahibi komandanın üstünlüyünü ikiqat artırıb, 83-cü dəqiqədə isə ikinci qolunu vuraraq hesabı 3:0 edib.
"Maynts" öz meydnçasında "Strasburq"u məğlub edib - 2:0.
"Maynts"ın yarımmüdafiəçisi Kayşu Sano matçın ilk qolunu 11-ci dəqiqədə vurub. 19-cu dəqiqədə müdafiəçi Stefan Poş ev sahibi komandanın üstünlüyünü ikiqat artırıb.
22:52
Konfrans Liqasının dörddəbir finalının ilk oyunu çərçivəsində "Rayo Valyekano" (İspaniya) və "AEK Afina" (Yunanıstan) arasında keçirilən oyun başa çatıb. Oyun Madriddəki "Estadio Valyekas" stadionunda baş tutub. Ev sahibi komanda 3:0 hesabı ilə qalib gəlib.
Ev sahibi komandanın yarımmüdafiəçisi İlyas Ahomas matçın ilk qolunu ikinci dəqiqədə vurub. Birinci hissənin sonlarında, 45+2-ci dəqiqədə yarımmüdafiəçi Unai Lopes "Rayo Valyekano" komandasının üstünlüyünü artırıb. İkinci hissədə, 74-cü dəqiqədə hücumçu İsi Palazon penaltidən hesabı 3:0 edib.
AEK və "Rayo Valyekano" arasında ikinci oyun 16 apreldə keçiriləcək.
09:32
Bu axşam UEFA Konfrans Liqasının 1/4 final mərhələsinə start veriləcək.
İdman.Biz xəbər verir ki, ilk oyun günündə dörd qarşılaşma keçiriləcək.
Günün ilk matçında İspaniya təmsilçisi "Rayo Valyekano" Yunanıstanın AEK (Afina) klubu ilə üz-üzə gələcək. Bu qarşılaşma 20:45-də, digər 3 görüş isə 23:00-da baş tutacaq.
UEFA Konfrans Liqası
1/4 final mərhələsi
9 aprel
20:45. "Rayo Valyekano" (İspaniya) - AEK (Yunanıstan)
23:00. "Kristal Palas" (İngiltərə) - "Fiorentina" (İtaliya)
23:00. "Maynts 05"(Almaniya) - "Strasburq" (Fransa)
23:00. "Şaxtyor Donetsk" (Ukrayna) - AZ (Alkmaar, Niderland)
Qeyd edək ki, 1/4 final mərhələsinin cavab oyunları aprelin 16-da keçiriləcək.
