Lent.az
Toni Kroos bir ildən çox əvvəl karyerasını başa vuracağını açıqlamışdı. Almaniya millisi ilə son oyununu Avropa çempionatının yarımfinalında İspaniyaya qarşı keçirib və burada artıq "Real" ilə son mövsümündə Lamin Camalla qarşılaşıb.
Lent.az-ın xəbərinə görə, Bir mövsüm sonra keçmiş yarımmüdafiəçi "La Gazzeta dello Sport"a müsahibəsində "Barselona"nın gənc oyunçusunun çıxışını yüksək qiymətləndirib.
"Mən də 17 yaşımda "Bavariya"nın əsas komandasına daxil oldum, amma Lamin Yamalın səviyyəsində deyildim. Onun gördüyü işlər təsir edicidir. Onun yaşında belə bir şey görməmişəm. Onun oyununda ardıcıllıqdan danışıram, çünki onun təbii istedadı göz qabağındadır".
"Məncə, bu oğlan xüsusidir, çünki çətin anlarda həmişə təşəbbüsü ələ alır. 17 yaşında isə bu normal deyil".
"Mən həmişə deyirəm ki, karyera sprint deyil, marafondur. Gəlin görək qarşıdakı beş-on ildə nə baş verəcək, o, böyüməyə davam edəcəkmi və meydandan kənarda özünü necə aparacaq. Uğur təkcə meydanda baş verənlərdən deyil, həm də ondan kənarda baş verənlərdən asılıdır".
