Idman.biz
"Sumqayıt"ın 15 yaşadək futbolçulardan ibarət komandasının qapıçısı olan on dörd yaşlı Barış Abbaslı təkcə futbol bacarığı ilə deyil, həm də akademik nailiyyətləri ilə diqqət çəkib.
İdman.Biz xəbər verir ki, gənc qapıçı altı dildə danışır və güclü akademik nailiyyətlər nümayiş etdirir. Bu barədə Barış özü ASAN TV-yə müsahibəsində bildirib.
Abbaslı olimpiadalarda və intellektual yarışlarda uğurla çıxış edərək dəfələrlə mükafatlar qazanıb.
Abbaslı həm idman, həm də təhsil sahəsindəki nailiyyətlərinə görə sertifikat və medallarla təltif edilib. "Sumqayıt"da qeyd edirlər ki, gənc qapıçının nümunəsi peşəkar idman və keyfiyyətli təhsilin bir-birini tamamlaya biləcəyinin əyani sübutudur.
