Bu gün Premyer Liqanın XXXVI turunun 3 qarşılaşması keçiriləcək. Sport24.az xəbər verir ki, avrokuboklara vəsiqə uğrunda mübarizə aparan "Sumqayıt" çempionatın son oyununda öz meydanında "Qəbələ"ni qonaq edəcək.
"Qırmızı-qaralar"ın elitanı tərk edəcəyi bir neçə tur öncədən müəyyənləşdiyindən bölgə klubu üçün bu görüş formal xarakter daşıyır. Sumqayıtlıların isə taleyi öz əlindədi. Samir Abasovun komandası qalib gələcəyi halda digər oyunların nəticəsindən asılı olmayaraq qitəmiqyaslı turnirlərə bilet sifariş edə bilər.
Qeyd edək ki, turun digər 2 oyunu – "Turan Tovuz" – "Kəpəz" və "Araz-Naxçıvan" -"Qarabağ" matçı sabah keçiriləcək.
Misli Premyer Liqası
IV dövrə, XXXVI tur
19:00. "Sumqayıt" – Qəbələ"
Hakimlər: Tural Qurbanov, Elşad Abdullayev, Pərvin Talıbov, Fərid Hacıyev
Hakim-inspektor: Rəhim Həsənov
AFFA nümayəndəsi: Seymur Səlimli
Sumqayıt. Mehdi Hüseynzadə adına şəhər stadionu