Sport24.az
Premyer Liqanın XXXVI turu çərçivəsində bu gün daha 3 qarşılaşma baş tutacaq. Sport24.az xəbər verir ki, hər 3 görüş eyni vaxtda start götürəcək.
Masazırda "Sabah" – "Sumqayıt"ı qonaq edəcək. Həm "bayquşlar"ın, həm də "kimyaçılar"ın avrokuboklara yollanmaq şansı var. Samir Abasovun yetirmələri "Bank Respublika Arena"dan qalib ayrılacağı halda demək olar ki, qitəmiqyaslı tunirlərə vəsiqəni təmin edəcək. "Sabah" isə 3 xal qazanacağı təqdirdə ən azı son tura kimi intriqanı saxlayacaq.
Qeyd edək ki, qarşılaşmanın start fiti saat 17:00-da səslənəcək.
Misli Premyer Liqası
IV dövrə, XXXVI tur
17:00. "Sabah" – "Sumqayıt"
Hakimlər: İnqilab Məmmədov, Namiq Hüseynov, Rahil Ramazanov, Fərid Hacıyev
Hakim-inspektor: Babək Quliyev
AFFA nümayəndəsi: Elgiz Abbasov
Masazır. "Bank Respublika Arena"
