Sport24.az
"Real"ın və İspaniya millisinin keçmiş kapitanı Serxio Ramos yeni klub axtarışındadır. Sport24.az "El Chiringuito"ya istinadən xəbər verir ki, 39 yaşlı futbolçu dekabrın sonunda Meksika təmsilçisi "Monterrey" ilə başa çatacaq müqaviləsini yeniləməyəcək.
Mənbənin sözlərinə görə, müdafiəçi ailə məsələlərinə əsasən karyerasını Avropa və ya ABŞ-də davam etdirmək niyyətindədir.
Qeyd edək ki, Ramos bu ilin fevral ayında "Monterrey"ə qoşulub. Meksikada olduğu müddətdə mərkəz müdafiəçisi bütün yarışlarda 30 oyunda iştirak edib və yeddi qol vurub.
