Sport24.az
"Sabah"ın U-10 komandası Avstriyanın Trayskirxen şəhərində keçirilən "Eurocup Trophy 2025" beynəlxalq futbol turnirində iştirak edib. Sport24.az xəbər verir ki, komanda ilk gündə Avstriyanın "Soccer School Wien" (2:1), "FCM Traiskirchen" (3:1), Serbiyanın "Fortuna Pancevo A" (3:1), Almaniyanın "SC Theresienfield" (5:0) komandalarını məğlub edib.
Həlledici görüşdə "FCM Traiskirchen"ə məğlub olan (2:3) təmsilçimiz turnirin birinci gününü ikinci pillədə başa vurub.
Aydın Manaflının baş məşqçisi olduğu kollektiv növbəti gün keçirdikləri oyunlarda Avstriyanın "Soccer School Wien" (2:1), "Inzersdorf" (7:0), Serbiyanın "Fortuna Pancevo A" (4:1) və "Fortuna Pancevo B" (4:0) komandalarını məğlub edib.
Final oyununda yenidən "Fortuna Pancevo A" ilə qarşılaşan "Sabah" 1:2 hesabı ilə məğlub olaraq, yekun nəticədə ikinci yeri tutub.
