Report.az
Beşqat "Qızıl top"un sahibi portuqaliyalı hücumçu Kriştiano Ronaldu Səudiyyə Ərəbistanının "Əl-Nasr" futbol klubu ilə müqaviləsinin müddətini uzadacaq.
"Report" xəbər verir ki, bu barədə Portuqaliyanın "A Bola" qəzeti məlumat yayıb.
Mənbənin sözlərinə görə, müqavilə 2026-cı ilin iyun ayına qədər davam edəcək.
Ronaldunun "Əl Nasr"lə hazırkı müqaviləsi 2025-ci ilin iyununda başa çatır.
Futbolçunun 39 yaşı var və 2023-cü ildən "Əl-Nasr"da çıxış edir. Bu mövsüm portuqaliyalı klubda 20 oyun keçirib, 17 qol vurub və 3 məhsuldar ötürmə edib.
