Idman.biz
Qırğızıstan milli futbol komandası xorvatiyalı mütəxəssis Robert Prosineçkini baş məşqçi vəzifəsinə təyin edib.
İdman.Biz xəbər verir ki, müqavilənin müddəti 13 ay təşkil edir və komanda 2027-ci il Asiya Kubokunda uğur göstərərsə, anlaşma daha 3 il uzadılacaq.
Robert Prosineçki dünya futbolunun tanınmış simalarından biridir. O, futbolçu kimi "Barselona", "Real Madrid" və "Srvena Zvezda" kimi klubların formasını geyinmiş, yüksək səviyyəli yarımmüdafiəçi kimi məşhurlaşmışdı.
Karyerasını başa vurduqdan sonra məşqçiliyə başlayan Prosineçki bir sıra klublarla yanaşı, Azərbaycan, Bosniya və Herseqovina və Monteneqro millilərinə də rəhbərlik edib.
Qırğızıstan Futbol Federasiyası yeni təyinatdan böyük gözləntiləri olduğunu və millinin inkişafında Prosineçkinin təcrübəsinin mühüm rol oynayacağını bildirib.
