Sport24.az
"Real"ın Yann Diomandenin transferi ilə bağlı "RB Leypsiq"lə apardığı danışıqların ilk mərhələsi uğursuz yekunlaşıb. Sport24.az xəbər verir ki, bu barədə insayder Florian Plettenberq sosial şəbəkə hesabında məlumat yayıb.
Mənbənin sözlərinə görə, danışıqlar bu gün davam etdiriləcək. Xatırladaq ki, bir müddət əvvəl insayder Fabrisio Romano Diomandenin artıq 100 milyon avro qarşılığında "Real"a keçdiyini bildirmişdi.
Qeyd edək ki, Diomande 2025-ci ildən "Leypsiq"in formasını geyinir. O, 2025/2026 mövsümündə 36 matçda meydana çıxıb, 13 qol vurub və 10 məhsuldar ötürmə edib. Onun Almaniya klubu ilə hazırkı müqaviləsi 2030-cu ilə qədər qüvvədədir.
