Sport24.az
"Qış toplanışında həm fiziki, həm də taktiki baxımdan yaxşı hazırlıq keçdiyimizi düşünürəm". Bu sözləri Sport24.az saytına açıqlamasında "Səbail"in qapıçısı Hüseynəli Quliyev deyib.
Toplanışla bağlı fikirlərini bildirən qolkiper komandasının hazırkı mövqeyindən və mövsümün qalan hissəsi ilə bağlı hədəflərindən də danışıb:
"Mövsümün qalan hissəsini yaxşı keçirməyə çalışacağıq. Əsas hədəfimiz sonuncu pillədən qurtulmaqdır. Bu istiqamətdə var gücümüzlə çalışırıq".
Qeyd edək ki, Premyer Liqanın XIX turu çərçivəsində "Səbail" yanvarın 18-də "Sumqayıt"ın qonağı olacaq. Matç saat 18:30-da başlayacaq.
