Sport24.az
Premyer Liqada 28-ci tur davam edir. Sport24.az xəbər verir ki, ikinci oyun günündə daha iki qarşılaşma baş tutacaq.
Günün ilk matçı paytaxtda baş tutacaq. "Neftçi" öz meydanında "Araz-Naxçıvan"ı qəbul edir. Hazırda Naxçıvan klubu 47 xalla üçüncü pillədə qərarlaşıb. "Ağ-qaralar" isə 31 xalla altıncıdır.
Cari mövsümdə bu komandaların qarşıdurmasında "Araz-Naxçıvan"ın aşkar üstünlüyü var. 3 oyundan 2-də qalib gələn Elmar Baxşıyevin komandası 1 matçda da heç-heçə edib.
Qeyd edək ki, görüşün start fiti saat 16:45-də səslənəcək.
Misli Premyer Liqası
IV dövrə, XXVIII tur
16:45. "Neftçi" - "Araz-Naxçıvan"
Hakimlər: İnqilab Məmmədov, Namiq Hüseynov, Rahil Ramazanov, Fərid Hacıyev
VAR: Rəşad Əhmədov
AVAR: Teymur Teymurov
Hakim-inspektor: Babək Quliyev
AFFA nümayəndəsi: Azər Əsgərov
Bakı. "Neftçi Arena".
