Sport24.az
Mövsümün ikinci yarısına Qəbələdə hazırlaşan "Neftçi" transfer çalışmalarını da davam etdirir. Sport24.az-ın əldə etdiyi məlumata görə, "ağ-qaralar" slovakiyalı hücumçu ilə maraqlanır.
Söhbət 27 yaşlı Samuel Mrazdan gedir. Hazırda Slovakya çempionatında "Motor"un şərəfini qoruyan forvard 2024/25 mövsümündə komandasının heyətində 18 oyun keçirib və 9 qol, 3 məhsuldar ötürmə ilə yadda qalıb. Vaxtilə Slovakiya millisinə də cəlb olunan mərkəz hücumçusu ölkəsinin yığmasında 5 oyunda meydana çıxıb və 1 dəfə fərqlənib.
Qeyd edək ki, Mraz karyerası ərzində ölkəsində çıxış etməklə yanaşı, Danimarkada "Brondbü". İtaliyada "Empoli", "Spetsiya", "Krotone", İspaniyada "Mirandes", Yunanıstanda "Bolos" və "Anortosis" kimi klubların formasını geyinib.
