Sport24.az
"Bolonya" klubu 60 ildən sonra ilk dəfə UEFA Çempionlar Liqasında çıxış edəcək. Sport24.az xarici KİV-ə istinadən xəbər verir ki, Tyaqo Mottanın rəhbərlik etdiyi kollektiv turnirin qrup mərhələsinə vəsiqəni vaxtından əvvəl təmin edib.
A Seriyasının XXXVI turunda "Atalanta"nın "Roma" üzərində qələbəsindən sonra "Bolonya"nın 5-ci pillədən aşağı düşməyəcəyi dəqiqləşib. Hazırda 3-cü olan komandanın 67 xalı var.
Qeyd edək ki, "Bolonya" yeddiqat İtaliya çempionudur. Şəhərin eyniadlı təmsilçisi iki dəfə ölkə kubokunu, 1998-ci ildə isə İntertoto Kubokunu qazanıb.
