Sport24.az
Qış təlim-məşq toplanışlarını davam etdirən "Araz-Naxçıvan" və "Səbail" bu gün yoxlama oyunu keçiriblər. Sport24.az xəbər verir ki, komandalar "Azersun Arena"da üz-üzə gəliblər.
Görüş Naxçıvan komandasının 2:1 hesablı qələbəsi ilə başa çatıb.
Bu, "Səbail"in cari fasilədə ilk yoxlama matçı olub. "Araz-Naxçıvan" isə yanvarın 9-da "Sumqayıt"la qarşılaşıb və 2:2 hesablı heç-heçə edib.
Qeyd edək ki, hazırda Misli Premyer Liqasının turnir cədvəlində "Araz-Naxçıvan" 39 xalla 2-ci, "Səbail" isə 9 xalla sonuncu - 10-cudur.
Yoxlama oyunu
15:00. "Araz-Naxçıvan" - "Səbail" - 2:1
"Azersun Arena"
