Sport24.az
"Mançester Yunayted"in futbolçusu Alexandro Qarnaço karyerasını İtaliyada davam etdirə bilər. Sport24.az xəbər verir ki, "Napoli" argentinalı vingerin xidmətində maraqlıdır.
Bu barədə "Sport İtalia" portalı məlumat yayıb. Neapol klubu artıq oyunçunun meneceri ilə danışıqlara başlayıb.
İtaliya təmsilçisi komandadan ayrılacağı gözlənilən Xviça Kvaratsxeliyanın əvəzinə Qarnaçonu istəyir. Alexandro klubun transferdə əsas hədəfidir.
Qarnaço bu mövsüm 29 oyunda 8 qol vurub, 4 məhsuldar ötürmə edib.
