Sport24.az
UEFA Çempionlar Liqasının pley-off mərhələsinin cavab oyunlarını stadionlardan izləyən azarkeşlərin sayı bəlli olub. Sport24.az xəbər verir ki, Bakıda "Qarabağ" və Macarıstanın "Ferentsvaroş" komandaları arasında keçirilmiş qarşılaşma tamaşaçı sayında üçüncü pillədə qərarlaşıb.
Tofiq Bəhramov adına Respublika Stadionundakı matçı tribunadan 29,744 tərəfdar izləyib.
Qeyd edək ki, görüş qonaqların qələbəsi ilə yekunlaşıb - 2:3. Səfərdə rəqibini 3:1 hesabı ilə üstələyən "Qarabağ" qitənin bir nömrəli klub turnirində Liqa mərhələsinə vəsiqə qazanıb.
