Lent.az
Türkiyənin "Qalatasaray" klubu italyan qapıçısı Canluici Donnarummanın transferi ilə bağlı Paris Sen-Jermen-ə qeyri-adi təklif irəli sürüb.
Lent.az xəbər verir ki, danışıqlar qeyri-adi formul üzərində aparılır: transfer üçün heç bir ödəniş nəzərdə tutulmur, yalnız gələcəkdə mümkün satışdan əldə olunacaq məbləğ ödəniləcək.
Bildirilib ki, bu addım bazar məntiqini sarsıda və futbolçuların maraqlarının təmsil olunması praktikasını sual altına qoya bilər.
Daha əvvəl "Mançester Siti" italyan qapıçısının keçidi üçün 15 milyon avro təklif etmişdi, lakin Paris klubu futbolçunu 25–30 milyon avro dəyərində qiymətləndirir.
Qapıçı 2021-ci ilin yay transfer pəncərəsindən bəri PSJ-nin şərəfini qoruyur. Onun Paris klubu ilə müqaviləsi hələ bir il qüvvədədir. Əvvəllər klubla oyunçunun müqavilənin uzadılması barədə razılığa gələ bilmədiyi bildirilirdi.
