Sport24.az
"Klubdan təklif gəldi və mən də dəyərləndirdim". Bu sözləri Sport24.az saytına açıqlamasında "Səbail"in yeni transferi Mirabdulla Abbasov deyib.
29 yaşlı forvard optimal formadan uzaq düşdüyünü də vurğulamağı unutmayıb:
"İnanıram ki, "Səbail"ə növbəti qayıdışım uğurlu olacaq. Düzdür, hazırda ideal formada olmasam da, məşqlərdə səylə çalışıb çatışmazlığı aradan qaldıracağıma inanıram. "Səbail" qış fasiləsinə sonuncu pillədə yollansa da, hələ heç nə bitməyib. Qarşıda xeyli oyunumuz var və inanıram ki, istədiyimiz nəticəni qazana biləcəyik".
Qeyd edək ki, paytaxt təmsilçisi Abbasovla cari mövsümün sonunadək müqavilə imzalayıb.
