Leandro Andrade: "Hətta Kriştianu Ronaldo da bunu edə bilər" - MÜSAHİBƏ

"Qarabağ"ın yarımmüdafiəçisi Leandro Andradenin Futbolxeber.az saytına müsahibəsi

- Gərgin keçən finalın sonunda məğlubiyyət acısı yaşadınız. "Qarabağ"ın "qızıl dubl" etməsinə nə mane oldu?

- Əslində, oyunun çətin keçəcəyi əvvəldən məlum idi. Çempionat bitəndən sonra bir həftə gözləmək, hazırlıq və s. bütün bunlar asan deyildi. Matçda hesabı açan tərəf rəqib olsa da, geridönüş edə bildik. Qələbəyə çox yaxın idi. Təəssüf ki, iki dəfə sonda qapımızda qol görməklə kuboku əldən verdik. Bu, bizim üçün bir dərs olmalıdır. Gələcək oyunlarda, finallarda eyni səhvlərə yol verməməliyik. İndi artıq istirahət zamanıdır.

- Oyun ərzində 2 dəfə "Qarabağ"ın qapısına penalti təyin edildi. Bu, fiziki cəhətdən çatdırmamaqdan irəli gəlirdi?

- Xeyr, bunun fiziki hazırlıqla heç bir əlaqəsi yoxdur. 1-2 saniyəlik konsentrasiyanı itirməkdən irəli gəlir. Bunu dünyanın ən yaxşıları, hətta Kriştianu Ronaldo belə edə bilər. Həm də qapımızda penalti təyin edilibsə, bu, bir nəfərin səhvi deyil. Baxmaq lazımdır ki, rəqib hücumu haradan başlayır, top itkisinə kim yol verir və s. Dediyim kimi, qapımıza penaltinin təyin edilməsi tək bir nəfərin günahı deyil.

- Hakimlik barədə nə deyə bilərsiniz?

- Hakimlik barədə danışmaq istəmirəm.

- Artıq məlumdur ki, "Qarabağ" UEFA Çempionlar Liqasında mübarizəyə I deyil, II təsnifat mərhələsindən start verəcək...

- Çox həyəcanlıyam, çox sevincliyəm ki, yenidən Çempionlar Liqasında iştirak edəcəyik. Mövsümün əvvəlindən hədəfimiz bu idi. Bu yarışda iştirak etmək xoşbəxtlikdir.

- Kubokun təltifetməsi zaman həm də siz Premyer Liqanın bombardiri olduğunuz üçün mükafatlandırıldınız. Təəssüratlarınız necədir?

- Əlbəttə, Premyer Liqanın bombardiri olduğum üçün sevincliyəm. Gələcəkdə də əlimdən gələni edəcəyəm ki, vurduğum qollarla komandama fayda verim, qələbələrdə pay sahibi olum.

İdman.biz