Sport24.az
"Əl-Nəsr"lə müqaviləsi başa çatan Kriştiano Ronaldo gələcəyi ilə bağlı qərarını verib. Sport24.az xəbər verir ki, portuqaliyalı ulduz klubda qalacaq.
Bu barədə insayder Fabritsio Romano məlumat yayıb.
Ronaldo artıq klubla razılıq əldə edib. Yaxın zamanda 40 yaşlı hücumçu ilə 1 və ya 2 illik sözləşmə imzalanacaq.
Qeyd edək ki, Kriştiano Ronaldo 2023-cü ilin yayından "Əl-Nəsr"də çıxış edir. Portuqaliya millisinin üzvü ötən mövsüm Səudiyyə Ərəbistanı təmsilçisinin heyətində meydana çıxdığı 41 rəsmi matçda 35 qol və 4 məhsuldar ötürmə ilə yadda qalıb.
