Sport24.az
"Tottenhem"in mərkəz müdafiəçisi Kristian Romero cari mövsümün sonunda klubdan ayrılmaq qərarına gəlib. 27 yaşlı argentinalı yay "transfer pəncərəsi"ndə komandadan gedəcəyini artıq rəhbərliyin diqqətinə çatdırıb. Sport24.az xəbər verir ki, bu barədə "The Telegraph" qəzeti məlumat yayıb.
Mənbənin sözlərinə görə, "Tottenhem" rəhbərliyi yeni mövsüm üçün heyəti yeniləməyi planlaşdırırdı və Romero yeni layihədə əsas fiqurlardan biri kimi nəzərdə tutulmuşdu. Ancaq argentinalının fikrində qəti olduğu bildirilir.
Qeyd edək ki, argentinalı müdafiəçi 2022-ci ildə 52 milyon avro qarşılığında "Atalanta"dan "Tottenhem"ə transfer olunub. Müdafiəçi bu mövsüm 28 oyunda meydana çıxıb, altı qol vurub və dörd məhsuldar ötürmə edib. Romeronun "Tottenhem"lə hazırkı müqaviləsi 2029-cu ilə qədərdir.
