Report.az
"Aston Villa" "Tottenhem"i məğlub edərək İngiltərə Kubokunda 1/8 finala yüksəlib.
"Report" xəbər verir ki, Birminhemdəki "Villa Park" stadionunda keçirilmiş qarşılaşma ev sahiblərinin 2:1 hesablı qələbəsi ilə başa çatıb.
İlk qol artıq ikinci dəqiqədə "Aston Villa"nın yarımmüdafiəçisi Ceykob Remsi tərəfindən vurulub. 65-ci dəqiqədə Morqan Rocers komandasının üstünlüyünü ikiqat artırıb. 90+1-ci dəqiqədə "mahmızlar"ın hücumçusu Matis Tel fərqlənərək yekun hesabı müəyyənləşdirib: "Aston Villa" – 2, "Tottenhem" – 1.
Qeyd edək ki, İngiltərə Kubokunun 1/16 finalının hər oyunu tək matçda keçirilir. Əsas vaxt heç-heçə başa çatarsa, əlavə vaxt təyin edilir. Əlavə vaxtda da qalib müəyyən olunmazsa, penalti seriyasına start verilir. Oyunun keçirilmə yeri isə püşkatma yolu ilə müəyyən edilir. Analoji reqlament növbəti mərhələdə də tətbiq ediləcək.
2023/2024 mövsümünün İngiltərə Kubokunun sahibi final matçında "Mançester Siti"ni 2:1 hesabı ilə məğlub edən "Mançester Yunayted"dir.
Turnirin ən titullu klubu 14 dəfə kubok qazanan "Arsenal"dır.
Xatırladaq ki, daha əvvəl turnirin favoriti "Liverpul" turnirlə vidalaşmışdı.
