Sport24.az
"Yeni il bayramından sonra ilk oyunumuzu keçirdik. Bilirdik ki, oyun rahat olmayacaq". Sport24.az xəbər verir ki, bunu "Gəncə"nin voleybolçusu Anastasiya Atepalina deyib.
Blokçu Yüksək Liqanın V turunun "Azərreyl"lə görüşü barədə fikirlərini açıqlayıb: "Ona görə də, bu oyuna ciddi hazırlaşmışdıq. Rəqib komandanın oyunçularını, oyun sistemini analiz etmişdik. Çünki rəqib güclü komandadır. Biz qarşımıza qoyulan məqsədə çatdıq. Əlbəttə, səhvlərimiz oldu, amma çalışdıq ki, səhvləri aradan qaldıraq və qalib gələk".
Anastasiya hədəfə doğru irəliləyəcəklərini bildirib: "Bu, bizdə alındı və rəqibi 3:0 hesabı ilə məğlub edə bildik. Qarşıda hələ çox oyunlarımız var. Əsas hədəfimizə çatmaq üçün hazırlıqlarımıza yüksək səviyyədə davam edəcəyik".
Qeyd edək ki, mövsümdə 3-cü qələbəsini qazanan Gəncə təmsilçisi turnir cədvəlində 2-ci pilləyə yüksəlib.
